فلاح القرقاح ونامي السلمي

نامي السلمي

من هجوس الشاعر اللي لابدا اللازم يسـده

ياسلام لمن حضر واثني على الشاعر سلامي

ودنـا بالطيـب يالقرقـاح والطيـب يمـده

والوفا والمعرفة رمـز الرياجيـل الكرامـي

فلاح القرقاح

مرحبا ترحيبة" ماساقهـا غيـر المـوده

والموده لأكبر الشعار والربـع الحشامـي

الكريم معان والرجال مـن خالـه وجـده

مير اخاف اسهر مع الشعار واضيع دوامي

نامي السلمي

ماعلاه اللي يمينه عن لزومه ماتـرده

يكسب الطاله ويرقا مع رفيعين المقامي

الشجيع إليا غزا فالمعركة سيفه يحـده

يحسب التوقيت لو عينه سهيره ماتنامي

فلاح القرقاح

شب نارا" موقده مابين راسـك والمخـده

وابذل المجهود ونسميك رجـال" عصامـي

لاتلوم اللي شداده غير عن كـل الاشـده

مايجي حول الردوف ولايجي حول المسامي

نامي السلمي

يابني قحطان ضلع طويق من يقدر يهده

ماتحرك لو تجيبون المعدات الجسامـي

لو يطول الوقت كل" فالزمن يرجع مرده

والمراجل ماتضويها النشاما بالكلامـي

فلاح القرقاح

ادري ان سليـم فديرهـا جنـود" مستعـده

لكن اكبرهم لقي له رمية" من غيـر رامـي

انت ودك تخلف النيه وتاصـل بحـر جـده

مير وقف لك على المرصاد واحد من عمامي

نامي السلمي

الله الله محتسين اخصامنا والعلـم وده

السواري في يديه والذخيره في حزامي

البحر يرسي به البابور في لين"وشـده

عان ملفي وانشده يخبرك بالعلم التمامي

فلاح القرقاح

انت يابو كوت وقت البرد كوتك لاتعـده

فيه فرق" فاللباس وفيه فرق" فالاسامـي

ياسليم انتـم نواياكـم نباهـا مجرهـده

من فقد منكم على روحه ترا ملفي محامي

نامي السلمي

انت لاكوت" ولامشلح وعينك مستـرده

والحقيقة لنا وصلنا للحقيقـة ماتلامـي

الكلام محرره والضد يلقي مـن يضـده

والضريبه قد طرحناها نهار الرمي حامي

فلاح القرقاح

هالغليم بعد ساعه دمعته من فـوق خـده

اصبروا ساعه يزيد الطق ويفك اللحامـي

كان تبغا العافيه عرض على الجمر وتعده

الصحيح العسكري وقف على دربه حرامي

نامي السلمي

عقب ساعة يمكن انك تقضب الدرب وتقده

مير يلزمني مع رجال اللـزوم الاحترامـي

كان ودك بالعوافي طـرف عينـك لاتلـده

خلنا نمشي على نهج الحقيقة والنظامـي

فلاح القرقاح

سيفك اللي في يمينك سلته ماهـي بحـده

لاتجي فالصف وتشوش على صوت الامامي

غرتني الايام
تقبل مرورى